VITA ONORATA

Scurdato di l’amici, e li parenti

passu li jorna fra sti quattru mura

mi dettitu trent`anni mala genti

dopu un processu fattu cu primura

nun sugnu innocenti no, ma fu p`unuri

chi ammazzuvi a ddu disgrazziatu

di la figghia me, cugghiu lu sciuri

e un tortu comu chistu va pagatu

ora mi trovu cu tanti deliquenti

dintra regina celi `ncarciaratu

li custodi romani brava genti

mi trattunu comu uomo onoratu.

Li famigliari mei si scurdaru

nuddu mi scrivi, visita, ho chiama

nuddu ricorda Vitu lu scarparu

uomo onestu ma prontu di lama.

Megghiu la galerra, la cunnanna

e no aviri `ncasa  un sdisonuri

l`omu cu pantaloni, ca cumanna

cu`cuteddi e lupara sarva l`onuri

un sugnu dilinquenti, ma onoratu

e pi l`onuri io dugnu lu cori

statti attentu tu, disgrazziatu

cu sparra a mia, e prossimu ca mori

di: Vito Bologna

"Brava gente"

opera di Renato Guttuso