U PASSAREDDU

( alla signora Silvana Caruso )

Mi porta lu buongiornu ogni matina

stu passareddu chi mi voli bene

veni cu l’alba, dopu l’acquazzina

pi sentiri la me vuci, li me peni.

Aspetta un pocu, allestu di stirari

poi  vegnu dducu fora a parrari

ti cuntu come mi passà la siritina,

tutta la nuttata, e puru stamatina.

Già tuttu sa di mia, li me duluri

li ghianti, lu soffriri, li peni,

tu, tuttu sa, di sti quattru mura

cu trasi e nesci, cu mi voli beni.

Si comu lu silenziu, ca mi senti

e mai arrispunni, amicu cunfidenti.

sai, chiddu ca mi passa,pi la menti

e un lu raccunni mai, a l’autra genti.

Ma, picchi veni cà, ogni matina ?

Cu ti manna a farmi cunpagnia ?

Picchi attraversi, tutta la marina.

pi sentiri sempri la stissa litania.?

Beddu passareddu, sciacquateddu

chi Diu, quarda sempri lu to vulari

e ti sarva un posto, ni lu casteddu

dunni anchi la morti, si pò amari.

di: Vito Bologna