|
TI AUGURO
Lu jornu ca tu nascisti ci fu festa a lu Franklyn spidali di Baltimore quannu ti viti iu di la finestra savuti di gioia fascia stu core.
La madri Miricana di natura lu patri Napulitanu,emigratu tettiru a lu munnu, na rosa pura chi cu la vasa si nenti furtunatu,
li primi anni foru Biniritti di lu Signuri, e di tutti li Santi ma guannu lu to vita, tri anni vitti sula era idda menzu a tanti,
la madri e lu patri si sparteru si misiru di menzu l`avvocati, ed`iu mi dumannu unni eru ddi jorna di gioia e di vasati.
"I LOVE YOU", fighia bedda sapurita ti auguru nti sta vita, tuttu e assai. Ti auguru tantu suli ni la vita chi sia sempri splentita,ma sai
mi auguro chi chiovi a timpurali sulu accussi poi apprizzari quantu e bedda u suli naturali, č poi fighia mia, un ti scurdari,
Tanta felicitā di cori ti auguru di teniri la sciaccula addamuta e nu ti scurdari, chi t`addisiu puru dulura e penu, chi duranu un`annata
cussi capisci, fighia me biddazza chi la granni gioia `nta la vita e sulu aviri d`un vecchiu n`na brazzata, picchi ti fa sanari ogni ferita.
Sangu di lu me sangu, iu lu senti chi venu l`ura di lu me funerali ma prima ca veni ddu mumentu duna a stu vecchiu un vasu naturali. |
"Papā ti vogghiu diri sulu du paroli, li jorna passati cu tia, un scordu mai, e ti prumettu ca, finennu li scoli, sta fighia chi lassasti, a latu avrai,
Ti vogghiu bene, ma sugnu picciridda e lu guvernu mi voli cu me madri, ma s`in celu la sira, tu, viri na stidda e una chi soffri,`ncerca di so patri,
Un perdiri spiranza,patri miu, ti vogghiu beni, e ti auguru assai e prigannu tutti dui, chi si voli Diu, e comu un ci fussimu lassati mai..."
Chista č na storia cumu tanti Chi sulu cu avi cori po capiri č la storia d'un poviru emigranti chi pi la fighia č prontu a muriri.
di: Vito Bologna |