MASTU CICCIO O FERRACAVALLO 

Vatteve n’coppa a n’gunia c’u’ martiello

era tanto rispettato mastu Ciccio

steveme e casa o Ponte vicino u Castiello

e pa’ fatica o pagavene a cunigli e saciccie

Turnava a casa doppe na’ jiurnata e fatica

senza nu’ soldo n’guolle e cu’ libbre n’mano

diceve a mammene, Anna oggi se’ mangia scrive

speramme ca’ qualcune ce’ pagarra’ dimane

duie fierre e cavallo a Procida pe’ na cappuccia

saldave e tubicini e nafta pe’ n’aurata

n’zagnave e cavalle e po’ operave e ciuccie

fatecave da matina ambresse fine a nuttata

se mettevene a tre o quatte cu’ e biciclette

e ghievene a trua’ fasule fine a Canciello

ci’avesse avulute na cartucciere cu’ a scuppette

quanne e pappece vulavene dinte o caccaviello

Io m’arricordo e tiempe e lata guerra

quanne a nuie nun ha maie mancato o pane

faceveme e balcunate e fierro ed io cu’ a serra

segave e tondini e metteve e chiuette a mano

Pateme fuie richamato a fa’ u surdato

presentarse a Trento cu’ a fanteria a cavallo

ma’ pe’ grazia e Dio e na’  raccumandata

fuie mannato ad Agnano a fa’ o ferracavallo

Nuie ringraziamme a isse pe’ sti’ sacrificie

e per farce crescere cu’ educazione

mo’ sta’ m’paraviso ha chiuso l’ufficio

cu’ a Madonna e Dio e cu’ tante Benedizione.

di: Antonio De Girolamo