LU `NFERNU DI LI VIVI

Cu  `na picciotta ivu stamatina

`nta lu spidali pi so pa` malatu

di `nfermi dda cinn`eranu a duzzina

chi pi la emirgenza c`era l`occupatu,

Dintra `na stanza trapassannu vitti

un littisceddu e ci chiancia un patri

mi fisci pena no chiddu chi vitti

ma chiddu chi `ni rissiru a nuvatri.

S`omu ni la so vita un appi latri

ma `ni lu lettu vinni carnivali

la spusa mi li figghi giusta matri

`nchiuvatu lu lassa cu li so mali,

`Nta natra stanza a li peri di cristu

ci vitti iu na donna addiniuchiuni

prigava comu si unn`avissi vistu

o `ntisu mai la parola Riligiuni,

Chiu `nfunnu cun vastuni poi sbucava

un vicchiareddu tremulu di manu

mi dissi cu lu chiantu ca sciumava

"Nun ghiti ni dda stanza di satanu

`ntuppativi l`aricchi a lu passari

dda dintra c`e` lu `nfernu di li vivi

li pazzi un si ponnu cuntrullari

fativi di sti sceni l`occhi privi.

Ma quannu la privanza veni data

l`uomo che omu nun la mai sintuta

sulu trasivu,la porta e passato

......oh Diu mi privassi la viruta,

Scurdati di li vivi e di li morti

c`eranu genti fora d`intilettu

o Diu quali foru diddi torti

paviri l`esistenza `nti sti tettu

Ma lu me `nfernu un vinni da sti porti

vinni di genti giusta e datri parti

tennu `ntilettu e menti critti corti

chi sfumanu li dollari mi marti,

Mentri `nti stu `nfirnali civilismu

ci su morti di fami e puru pazzi

spenninu miliari pi nuclismu

si `ncucchianu pi pruduciri razzi,

Chiamala civilta` `mperu romanu

pi mia e `nfernu, `nfernu di li vivi

e tu populu me battici manu

 tantu lu diri me, un passa crivi

di : Vito Bologna

Inferno (stampa artistica)

opera di: Fausto Minestrini