|
LI CUCCIDDATI
Si vi lu cuntu forsi un ci cririti me soru mi manna li cucciddati cu li confiteddi, beddi comu ziti parianu di lu storu accatati.
Eranu di tanti misura e forma chini cu ficu, e accaduna senza fatti tutti cu, regula e la norma, fatti cu cori, senza tanta scenza
Sti soru, Margherita e Pierina annu li manu di Santi biniritti trasennu tutti dui `ni la cuscina di cu cumannu annu li diritti
Ma vi cuntu di sti cucciddati, m`ariva via aerea stu paccu mentri avia a casa du mitati virennuli si lucavanu lu beccu.
Ci rissi, favuriti, un va fruntati su cosi fatti a manu di me soru pighiatini na pari e li tastati, di chisti unni truvati `nta lu storu.
Ci fazzu un capuccinu `p`abbagnari mi votu e li sacchetti annu chini mi fannu. "Chisti pi li famigghiari robba di lussu, sunnu duci fini."
Si alzanu, salutanu e vannu fora discennu ca l`aspettanu a la casa siccu arristavu comu na cannalora la scatula era china, rasa rasa.
Comu fazzu a diri a li me soru chi li cucciddati un litastavi meghiu li chiamu e ci dicu foru persi `nta posta e unni capitavi
Forsi si sugnu un pocu furtunatu mi cririnu, e mannanunatra posta viditi chi si fa di un cucciddatu basta un poena e na faccia tosta
di: Vito Bologna |
 |