|
LACRIMI AMARI
Vitti, occhi canciari culuri e na manu stanca salutari lu cori era chinu di duluri la navi era pronta pi salpari
tri fimmini c’eranu dda matina me matri, me soru, e la me zita chiancianu tutti tri`a la marina sti fimmini chi sunnu la me vita
Vaiu, fazzu du sordi e ritornu ci rissi a tutti tre, cu tantu amuri emigru cinc`anni e poi tornu vuatri pi mia prigati lu Signuri
li lassu chi si dunanu cunfortu stritti abbrazzati comu fussi una la navi lentamenti lassa lu portu cu n’emigranti ncerca di furtuna
sona la sirena, volanu l’asceddi viu lu celu n’anticchia annighiari di l’occhi mi scinninu du attareddi pregu a Diu di prestu riturnari
di : Vito Bologna |
 |