|
ISCHIA MIA BELLA
Songhe nate a stu’ paese ammiezo o mare
ca’ e’ na perla cu’ bellezze e meraviglie,
incanta e furastiere a comme pare
ca tornane ca’ ogni anno cu e famiglie.
Chi vene a Ischia nun so’ scorde maie
che accuglienza le fa’ a gente e stu’ paese
turnanne ca’ s’accuntentane assaie
e sti’ trattamiente accussi’ amabile e curtese.
Io partiette da stu’ paese mio bello
e ghiette a Merica quann’ero guaglione
pero’ quanne ritorno stonghe rinte e stelle
e nustalgia d’ammore ed affezione.
Pure si stamme ca’ pe’ poco tiempe
e po’ partimme pe’ ce’ ne turna’ luntane
rimarrime accussi felice e cuntiente
lasciannele oggi pe’ ce’ turna’ dimane.
Pe’ nuie emigranti ca da ca’ simme partute
purtamme stu’ gran fervore cu’ nuie luntane
pe’ San Giovan Giuseppe, e Santa Restituta
e prutetture nuoste ca ce’ portane pa’ mane.
Quanne turnamme a Ischia e ringraziamme
ca ce’hanna fatto a vede stu’ paese nata vota
e visitannele cu’ ammore li pregamme
e ce’ fa’ turna’ ca’ per tante ati vote
Chi e’ nato a Ischia nun so’ po’ maie scurda’
pecche’ o sanghe nuoste addora d’erve e mare
e a forza ca’ nu jiourne adda’ turna’
pecche’ emigrante e’ na parola amara.
di: Antonio De Girolamo |
 |
