EVA LA PICCIRIDDA

Amici e parenti tutti un v`affruntati

viriti quantu è bedda sta picciridda

quannu parra tutti attintati

razza di li Bologna e puru idda

Eranu li novi e menza di matina

lu paisi si stava arruspigghiannu

d’un trattu na vuci fina fina

etta un criru, è trasi `nta lu munnu

Dissi a tutti, parrannu chianu

Genti iu vegnu di lungu camminu

me nonnu Vitu eni Italianu

e d`emigranti fu lu so distinu

Me patri micheli e Amiricanu

me nanna margherita di polonia

me matri è di stu paisi corianu

semu come la turri di babbilonia

Nasceru a Orlando li me du cuscini

me ziu Robertu nasciu a brocculinu

la zia traci nasciu cu lu cuscinu

`nta Penzilvenia dunni fannu vinu.

Vi immaginati pi Pasqua e natali

quannu semu tutti a passiari

fascemu ririri a tutti li murtali

basta chi ne sentunu parrari

Me nonno Vitu disci bona sira

rispunni me Nanna e fa tebranu

me ziu Robertu pighiannu la mira

fa bona notti e si metti a lu pianu

di: Vito Bologna