DISCURSI FAMIGLIARI 

Aiu  vintinovi anni, e sugnu schettu

pi travaghiu sugnu, bonu `mpustatu

na cusuzza di parti sempri mettu

pi na casuzza li sordi aiu sarvatu

Me soru Pina chi e na rumpipalli

sempri mi fa,"picchi un ti mariti

nescu lu sabatu,va ni sti balli

trovi na piciotta, e vi fasciti ziti"

Ci rispunnivi,"Pieri, lu vo capiri

nti sti tempi cu mi lu fa fari

li donni muderni si vonnu divirtiri

e nuddu penza chiu a lu maritari

Me soru Maria  ch`e` la ranni

mi dissi,"Frati me senti a mia

e ura chi ti mariti, a trent`anni

fatti na famighia e vivi in armunia

Viri a to` frati Cicc chi e `mpustatu

chiu nicu ti tia,e gia e sistimatu

si un ti piaci nuddu `nta stu statu

viremu in`Italia cu, un sa maritatu."

Me cugnata Nunzia chi attintava

dici,"La canusciu iu na picciotta

anzi lu sa, assira ti nominava

mi rissi, ma Vitu ancora fa ricotta ?

E na fimmina brava sempri ti penza

pi essiri sincera, a mia mi piaci

vuatri la canusciti, chidda,Renza

da picciotta Siciliana di Capaci."

Si susi me niputi Carolina

"Ma Lassatilu `npaci a lu zu Vitu

sempri li stessi cosi ogni simana

lu sapi iddu si savi a fari zitu."

So soru Caterina chi attintava

dumanna u so zia di la piciutedda

"Ma sta Renza, e chidda chi abitava

 vicinu la caserma, a la vanedda ?

"Nunzia rispunni,"Si e propriu idda

avi vintinovi anni,unne maritata

viriti comu e bedda sciaquatedda

a mia un mi di spiacissi pi cugnata,

"Ma tu si pazza,fa MariaCristina

Renza e canusciuta `nta lu quarteri

chidda ni cancia uno ogni matina

e la sira dormi cu li carrabineri."

"Tu zittuti chi ni capisci di sti cosi

idda `ncaserma fa la cucinera

siddo acchirunu poi ci duna rosi

e picchi ida e brava e sincera."

Ma un ci rumpiti tutti li cabbasisi

scatta me cugnata l`americana

fascitivi sulu li vostri bisinisi

sta litania la sentu ogni simana.

Si Vitu a stari scettu ci sta bonu

finitila cu sti riscursi di curtighiu

iddu lu sapi,quannu e l`ura comu

veniri di vuatri pi cunsighiu.

Me frati Francu chi unna parratu

si susi, e fa un discursu inteligenti

discennu a tutti chi unne sbagliatu

munciri latti,e un pagari nenti.

si li fimmini  fannu.  tocca tocca

e senza pagari ci dunanu lu latti

picchi fari spisi pi na vacca

si iddu un paga un sordu pi li fatti.

Ora che schettu si po divirtiri

senza pinzeri di fighi e pannizzi

si si marita dopu chiu un viri

mutanni arracamati fatti a pizzi

lu discursu si chiui pi mangiari

mentri ogniunu a tavula s`assetta

si susi me Nonnu e voli parrari

riri me Nanna fascenu quasetta

di: Alcamese

"Il grande pranzo domenicale"

opera di Stephen La Gattuta

pittore di Chicago ma con origini siciliane

il quadro è stato esposto

alle Ex scuderie di Villa Niscemi di Palermo