CORI DI LU ME CORI

Vitti `ntu lu celu rondini vulari

e `nta lu pratu li griddi cantari

palummi chi si pirdianu `ndo mari

mentri la navi era pronta pi sarpari

Ivu luntanu `ncerca di furtuna

`ndi la valiggia la to fotografia

amuri mi giurasti sutta la luna

mentri l`aneddu canciavi cu mia

Ma la luntananza e na carogna

a nastru ti truvasti `nta lu paisi

li giuramenti ittasti `nta na fogna

e ti scurdasti paroli e cunprumisi

Ora ti scrivu l`ultimi pinzeri

a tia lassu lu me tistamentu

si trovanu un mortu peri peri

dicci chi morsi senza un lamentu

Si amuri unni trovanu `nta stu cori 

e picchi tutto tu, ti lu pighiasti

e siddu dumannanu picchi mori

la curpa fu la to` chi lu lassasti.

di: Vito Bologna