|
CANTA SCIATUZZU ( alla signora Pina Vilardi )
mi chiama stamatina `na signura mi rissi, "Chiama a cu` tu vo beni pari ca idda ghiangi tutti l'ura picchi` nto cori teni tanti peni."
Passa li notti, li stiddi cuntannu li jorna passa idda, a un manciari, mischina, cussi pigghi un malannu picchi un l'ama chių, cu l'avi a amari.
Passaridduzzu, tu ci si cunfidenti potacci `na `mbasciata a du sciuri dicci,ca di lu ventu la vuci senti e di lu mari senti lu rumuri.
Tu, canta stidduzza, canta chi lu cori cu lu to`cantu asciuca lu me ghiantu e` si po`ni lu cantu n`amuri mori e na morti filici, senza scantu.
Canta `na storia appassionata, la storia d`un amuri senzafini chidda di na carusa `nammurata chi pi un vasu, un taliava cunfini.
Canta sciatuzzu me, canta la vita canta fra celu e mari, canta l'amuri canta chi la to`vita si cuncrita quannu ni lu cantu c`č caluri.
Poi, quannu voli Diu, quannu e l'ura senza aspittari, senza fari piani arriva, mutu, mutu, cu si cura d'un passareddu, e ti vasa li manu.
di: Vito Bologna |
 |