AMORE NELL’INTERNET

Vitti la foto e minni innamurai

di sta picciutedda a lu compiuri

fimmini accussi, un cinne` assai

ddi occhi si rubbaru, lu  me cori

dopu tri misi di fari telefonati

e mannari dolci e sciuri pi posta

mi fisci na caminata da ddi parti

a la so casa curru senza sosta

cu mia, aiu na rosa profumata

un cori di cioccolatta, e na neddu

 pi ghiri nti la me `nammurata

m’accatavi puru un vistiteddu

a la so porta sugnu assai cuntentu

finalmenti la canusciu di presenza

aspettu e pari un seculu un mumentu

un viu l’ura di fari sta cunuscenza

si rapi la porta, mi cari lu latti

e ci rissi ca sbagliai indirizzu

signuri me, su cosi di matti

da fimmina avia puru lu pizzu

di la me casa ci mannu na posta

discennuci, signura m’ata scusari

ma criu chi tri passi senza sosta

sugnu sicuru chi un putiti fari

dopu chi vi vitti, mi resi cuntu

chi siti assai bone di luntanu

ma di viscinu pariti nu mantu

e siti bona sulu pi cantara

di : Vito Bologna