AMMORE MIO CA’ STAIE M’PARAVISE
 
( Questa fu’ la prima poesia scritta nel Febbraio 1996 )
dopo la morte della mia amica d’infanzia e mia moglie
 
Crisciette a Ischia, n’da via ca’ va’ o Castiello
e ghiette a primma scola, dinte o Stradone
a fenesta mia, sotta a chella de Funiciello
po’ o primme prufessore mio, fuie Alparone
 
Partimme p’America, quann’io ero giuvinotto
cu’ sette e nuie e famiglia, pe truva’ furtuna
naufragamme cu’ Andrea Doria, na mala notte
ma pe’ grazie e Dio, nun perdietteme a niscuno
 
O ’58 a Ischia Ponte, nuie turnamme
jetteme io e soreme, ca’ essa se spusaie
e Funiciello nata vota, nuie salutamme
e de na figlia, o core mio s’annammuraie
 
Ce scrivietteme pe’ duie anne, cu’ tanto ardore
cu’ nammore ca’ crisceva cu’ gioia e gusto,
turnai a Ischia ancora, pe’ auni’ sti’ duie core,
e zi’ canonico ce’ spusaie o mese Austo
 
35 anne spusate cu’ na vita bella, e tant’ammore,
cu’ cinghe figli e felicita’ e tutte e culure,
avietteme tutti comme na botta rinte o core,
e’ sape’ e na malatia ca’ nun ce’ sta’ cura
 
doppe quatt’anne e lotta, e tanti core appise
cu’ tanta medicina pe’ stu’ bruttu male,
o Signore te vulette cu’ isse m’paravise
propria a sera da Vigilia e Natale
 
Tesoro mio sienteme, ca’ io saccio tu addo’ staie
e’ nu premio e Dio, pe’ sule e buone e cattuorne
to giuro cu’ tutto o core, e tu a me me saie
ca pur’io voglio veni’ loche qualche jiuorne.

di: Antonio De Girolamo

MY LOVE, WHO IS NOW IN PARADISE

 
 ( this was my first poetry written in February 1996 )
after the death on my childhood friend, my dear wife
 
I grew up in Ischia on the street that goes to the Castello
and went to my first school in the Stradone street
my window right under the Funiciello Family window
and my very first teacher was Alparone
 
We departed for America when I was a teenager
with seven of us in the family to find fortune
we sank with the Andrea Doria one bad night
but thank the good Lord we didn’t loose anyone
 
In 1958 I returned to Ischia Ponte
I went with my sister, she was getting married
the Funiciellos ones again we said hello
and of their daughter my heart fell in love
 
We wrote ardently each other for two years
with a love that was growing with joy and gusto
I returned to Ischia ones again to unite these two hearts
and my uncle Monsignor married us in the Month of August
 
35 years married with a beautiful life and so much love
with five children and happiness of all colors
we got like a spear in our heart
to find out about an incurable disease
 
after four year of battle and lots of broken heart
with so much medicine with this bad illness
the Lord Jesus wanted you with Him
exactly on the day of Christmas Eve
 
treasure of mine listen I know where you are
it’s a rewards of God give to only the good people
I swear to you with all my heart and you know me well
That I also want to come where you are, someday

by: Antonio De Girolamo