AMICU DI L’AMICI

Ivu a Las Vegas di na pizzeria,

patruni è un cristianu di partinicu

truvannumi cu unu di pantelleria

a chistu lu presentu comu amicu

ci rissi Emiliu chistu e Sarvaturi

cerca travaghiu, viri si po `mpustari

dici chi ti travaghia a tutti l`uri

sapi fari pizzi, e puru  cuscinari.

La paga va curdati, un ti scantari

daci na cosa accussi pi pizzuliari

basta ca l`affittu po` pagari

tantu sulu du misi, iddu avi a stari,

e n`amicu di l`amici e pi ora

li cosi su cavuri a lu nostru paisi

e meghiu si pi un pocu resta fora

fa stu favuri a Masi l`arcamisi,

ma chi discursi fa,ancora parri

Turi va mettiti cammisa e falari

dormi da `ncapu, e po aiu du carri (1)

`nda pizzeria c’è sempre soccu fari

tu va tranquillu ca e in manu boni

nuddu lu nosci, e po firriari

tu salutami a me cumpari toni

e dicci quannu voli po affacciari.

(1) macchine

di : Vito Bologna