A CU VOLI CAPIRI

Vasu li manu a tutti`nta sta stanza

cercu pirmissu, a st`omini di panza

dumannu scusa si la me`ngnuranza

di lu galateu unne`a cunuscenza.

Sugnu viddanu natu e crisciutu

un m`interessu di storia e scienza

`nta stu quarteri sugnu canusciutu

comu omu d’onuri e di semenza.

Dintra sta stanzu ci sta un tignusu

chi lu so parrari porta a malu signu

avi la lava`mbucca e a stu vavusu

iu ci putavu`nu cappottu di lignu.

Un sugnu assassinu ma onoratu

e tu amicu sbaghi a tutti l’uri

parri assai, si tuttu muntatu

ti criri di sta stanza lu tinuri.

Susiti nesci, e viri cosa a fari

va vasa a li to fighi, e to mughieri

poi saluta a tutti li famighiari

fatto la cruci e dici li prighieri.

di: Vito Bologna